خلال يومين هانرجع تاني لسنة دراسية جديدة.. انا على أمل انها ماتكونش مملة, بالنسبالي سفر أربع ايام أسبوعيا رايح وراجع من مصر مقرف فعلا.. الله يعين!
 |
September 14, 2006 | 4 تعليق |
النهاردة لاول مرة من فترة طويلة اقف في البلكونة في بداية يوم جديد.. اول مرة الاقي عصافير تآمنلي وتقرب مني للدرجة دي 
, قدرت الى حد ما تقلل من انقباضة حسيت بيها لأسباب مختلفة النهاردة….زهقت من الكمبيوترات وزهقت من طرق تفكير بعض الناس.. فاض الكيل بجد!.. نفسي اكون في مكان مختلف وفاضي.. مافيهوش غير انا.. وأرض خضراء.. وسماء زرقاء.. وبس!
دعواتكم!
|
|
July 9, 2006 | 4 تعليق |
هو انا غريب فعلا؟ ولا كلنا غرباء عن الناس اللي حوالينا؟..
البشر من الطبيعي ان تختلف وتتباين اهتماماتهم.. بس اعتقد ان من العادل ومن البديهي انهم يحترموا اهتمامات الآخرين, ليه انا باحترم اهتمامات غيري مهما كانت - في رأيي الشخصي - تافهة وسطحية.. وغيري أسهل حاجة عنده السخرية من اهتماماتي.. بالرغم من انها - في اعتقادي الشخصي أيضاً - مهمة.. وليست كمسابقة لملكة جمال.. أو لعندليب!
خرجت اليومين اللي فاتوا بجملة هامة - بالنسبة لي- وضعتها في دستور حياتي.. ” ليس كل ما يسعدك يسعد الآخرين بالضرورة.. والعكس أصح!”
معرفش ليه مش حاسس اني شاب لم يختم بعد عقده الثاني مع الحياة.. لا أشعر أن الأمر يستجذبني عندما يخرج بعض الأصدقاء لرحلة لـ”دريم” او عندما يحتفلون بذكرى ميلاد أحدهم!.. في حين أجد نفسي وبشدة.. في جلسة أدبية أو فكرية مع هؤلاء الذين أعمارهم تماثل ضعف عمري مرتين على الاقل!.. أبدو غريبا في نظر الكثير.. لكن ما حيلتي إذا كنت إبن 19 خريفاً؟
|
|
May 12, 2006 | 11 تعليق |
هذه المدونة تخضع لرخصة : Creative Commons Licence.