بعد الحكم على صدام حسين بالإعدام شنقا, وعلى الرغم من عدم إعترافي بشرعية محكمة في ظل الإحتلال أصلا, بس مش عارف ليه بفتكر أنور وجدي في فيلم أمير الإنتقام, وهو بيقول.. “الأوّل!”.

عموما يبقى لصدام الكثير من الإحترام على صموده أمام المحكمة من البداية وحتى صدور القرار بموته.. أحترم كثيرا من يواجه الموت بمثل هذه الشجاعة.

خبر في الجزيرة النهاردة..

وكان الجندي الأميركي السابق ستيفن غرين (21 عاما) المتّهم بارتكاب جريمة المحمودية في مارس/آذار الماضي، قد مثل أمس أمام محكمة أميركية اتحادية، واعتبر أنه غير مذنب في قضية اغتصاب الفتاة العراقية عبير قاسم الجنابي، وقتلها مع أفراد أسرتها.
http://www.aljazeera.net/NR/exeres/79F72780-C934-441F-95A8-2A202A732268.htm

انا مصدقتش الاول.. قولت يمكن العيب في صياغة الخبر وهم يقصدوا ان هو اعتبر نفسه كده.. يعني بمنتهى البساطة.. غير مذنب؟ ياولاد الكلب..!!!

الصورة دي اتصورت بين موقفين.. الصورة دي اللي الريّس فاتح فيها فمه على اخره ومنشكح جدا وكانه مع صديق عمره, حصلت بعد ما اسرائيل قتلت اتنين من جنودنا إحياءا لذكرى التلاتة اللي قتلتهم في نفس الوقت تقريبا السنة اللي فاتت.. عقبال السنة الجاية ان شاء الله في حياتكم جميعا.. والرئيس اعتذرلنا بالنيابة عن اسرائيل.. معلهش بقى.. “نيران صديقة” .. يعني ايه جنديين؟ عايزيني اخسر اولمرت عشان اتنين ولا تلاتة ولا خمسة؟ ده هو اللي باقيلي من ريحة شارون! ده انا سيبت ممدوح اسماعيل بالـ 1400 بتوعه!

وسبحان الله.. بعدها علطول أولمرت مارحمش أي حد من سكان غزة.. عشان أسير اسرائيلي.. ورفض يبادله بأسرى الفلسطينيين من النساء والأطفال.. ومبارك نفسه (ماهو صديق عمره بقى!) اتدخل عشان يرجعله الأسير بدون أي مقابل للفلسطينيين…. سيدي الرئيس.. حسبي الله ونعم الوكيل فيك!

في مقلب الإمامة،
رأيت جثة لها ملامح الأعراب،
تجمعت من حولها النسور والتباب،
وفوقها علامة،
تقول هذي جثة..كانت تسمى سابقا..كرامة!